06.02.2025ж.күні мектебімізде «Даналық мектебі» бағдарламасы аясында әкелер мен балалардың қатысуымен “Әкенің еккені ұрпаққа сая” тақырыбында ерекше кездесу өтті.
Іс-шараға алты әке белсене атсалысты.
4-сыныптың сынып жетекшіcі: А.Джалгасбаева жүргізді.

Кездесу барысында әкелер мен балалар бір-біріне сұрақтар қойып, өзара түсіністік пен сенімділікті арттырды. Балалар өз әкелерін мақтанышпен таныстырып, олардың ерекше қасиеттерін атап өтті. Сонымен қатар, тұрмыста қолданылатын құралдар мен олардың пайдалану тәсілдері туралы әңгімелеп, әкелеріне өз білімдерін көрсетті.

«Шаңырақ» әдісі арқылы әкелерге түрлі өмірлік жағдаяттар ұсынылып, оларды шешу жолдарын бірлесе талқылады. Бұл тапсырмалар әкелердің ой-өрісін кеңейтіп, балаларымен бірлесіп жұмыс істеу қабілеттерін нығайтты.

Мектеп психологы арнайы тренинг өткізіп, әке мен бала арасындағы қарым-қатынасты жақсартуға бағытталған жаттығулар жүргізді. Тренинг барысында қатысушылар өз сезімдерімен бөлісіп, бір-біріне деген сенімдерін арттырды.

Іс-шараның соңында балалар әкелеріне арнап «Мың алғыс әке» әнін орындап, оларға деген сүйіспеншіліктерін білдірді. Әкелерге алғыс хаттар табысталып, олардың бала тәрбиесіндегі маңызды рөлі атап өтілді.

Бұл кездесу әкелер мен балалардың арасындағы байланысты нығайтып, өзара түсіністік пен сыйластықты арттыруға бағытталған маңызды шара болды.
#даналық_мектебі