1949 жылы 14-сәуірде Маңғыстау облысы, Қарақия ауданына қарасты Сенек ауылында дүниеге келген. Маңғыстау мұнайының игеріле бастауына орай, Құрық ауылында тұрғындар санының артуына байланысты Ақмәнетттің әкесі Жайынбаев Дүйсенғали алғашқы бастауыш мектебін ашып, Құрықта қызмет етті. Сол себепті осы ауылға көшіп келді.  1967 жылы қазіргі «Құрық ауылының №1 орта мектебін» тәмамдаған. Еңбектен қол үзбей жүріп 1971-1976 жылдары Гурьев педагогикалық институтында жоғары білім алған. 

Еңбек жолдары:

1968 жылдан бастап осы мектепте бастауыш сынып мұғалімі болып алғаш еңбек жолын бастап,  2010 жылға дейін аталған мектептің бастауыш сынып мұғалімі болып қызмет еткен. Еңбек еткен жылдарында мектеп мұғалімдері арасында сыйлы болды, ізденімпаз және еңбекқорлығымен көзге түсті. 

Ол осы тынымсыз еңбегінің арқасында жоғары санатты әрі аға мұғалім дәрежесіне дейін көтерілді. Ол көп жылдар бойы мектептегі «Озат тәжірибе мектебін» басқарған. Оның білім беріп оқытқан шәкірттері аудандық, облыстық сайыстардың жүлдегерлері болған. 

Марапаттары: 

Аудандық, облыстық білім бөлімдері мен ҚР білім министрлігінің «Алғыс хаттарымен» және «Құрмет грамоталарымен» және «Қазақ ССР оқу ісінің озық қызметкері», «Еңбек ардагері» медалі, «Ы. Алтынсарин» төсбелгілерімен  марапатталған.

Ол сонымен қатар, бес баланы тәрбиелеп өсірген ардақты ана. Оның балалары қазір әр түрлі салаларда абыройлы еңбек етеді. 

Жайынбаева Ақмәнет Дүйсенғалиқызы 2015 жылы дүниеден өтті.