1948 жылы Атырау облысы, Макат ауданы, Доссор ауылында жұмысшылар отбасында дүниеге келген. Атырау қаласындағы мұғалімдер даярлайтын курсты бітірген. 1968 жылы жолдамамен Ералы ауылына келіп, №1 орта мектепке жұмысқа орналасты. Содан бері осы мекемеде 2015 жылға дейін қызмет етті. Еңбектен қол үзбей жүріп, «Атырау педагогикалық» институтын «Бастауыш сынып мұғалімі» мамандығы бойынша оқып, жоғары білім алды.
Оның ұзақ жылғы еңбегі де елеусіз қалмады. 1996 жылы Қазақстан Республикасы білім және ғылы министрлігінің «Құрмет грамотасымен», 2004 жылы Қазақстан Республикасы білім және ғылым министрлігі «Алғыс хатымен», 1985 жылы Маңғыстау облыстық білім басқармасының «Мақтау қағазымен» 2011жылы «Құрмет грамотасымен» аудандық білім бөлімінің «Алғыс хаттарымен» 20 жылдыққа байланысты «Құрмет грамотасымен» 1990 жылы «Еңбек ардагері» медалімен марапатталған.
Үш ұл, екі қызы бар. Барлығы да жоғары білімді, аудандағы жауапты қызметкерде еңбек етуде. Немерелері мектеп оқушылары.
Рысқаным Сүйінқызы- бүкіл саналы ғұмырын жас ұрпақ тәрбиесіне арнап, елге адал қызмет етті. Бүгінде зейнеткерлікке шығып, әулеттің ақылшысы, немерелерінің ортасында бақытты ғұмыр кешіп отыр.
